لعنبو قصه غرامك..كل ابوها كلمتين.. ابتدينا عند احبك وانتهينا عن بااي..

لعنبو قصة غرامكـ كل ابوها كلمتين

ابتدينا عند احبك وانتهينا عند باي

تونا ما بعد مشينا فالهوى لو خطوتين

وانتها الموضوع كله حتى ماعرف ويش خطاي

انتهى الموضوع كذا بكل سهوله تحكمين

وين احبك؟ وين ابيك؟ وين ساكن في حشاي

يمكن انك ما وفيتي يوم جيتي تعشقين
.
ويمكن انك تحسبيني بتبعك من دون راي

ويمكن اصلا ما عشقتي بس كنتي تلعبين

.ويمكن انك ما وصلتي في هواك لمستواي

ويمكن اني ما عرفتك فالحقيقة وش تبين

ويمكن اني خنت نفسي يوم اعطيتك وفاي

علميني فالهوى ياجاهله ويش تعرفين.

تعرفين انك غديتي شي يجري في دماي

علميني فالعطاء والتضحيه ويش تفهمين

لعنبو حيك عشانك سبت اقرب اقرباي

كنت احطك في عيوني تسرحين وتمرحين

كنت اشيل هموم قلبك وارمي همومي وراى

كنت اطير من السعاده يوم اشوفك تضحكين

كنت ذايب في هواك مثل سكر وسط ماي

كنت نايم فالعسل وارسم من الفرحه سنين

كنت اظنك قلب عاشق ما سكن وسطه سواي

ما وعيت الا وانتي في خفوقي تطعنين

. ما وعيت الا وسيفك بالحشا رايح وجاي

ورده اي والله ورده بس عرفتي تجرحين

كل شي فيني جريح الا فخامة كبرياي

ما تأثرت بغيابك ويش يعني دمعتين

بكره انسى صدقيني وارجع بكامل قواي

ادري ان حنا افترقنا بس ابفهم حاجتين

علميني وش كسبتي وعلميني وش خطاي

اصلا الموضوع كله ما تعدى كلمتين

ألتقينا عند (احبك ) وأفترقنا عند (باي)

ياااارب ترضي ذوقكم
وتنال اعجااابكم

تحيآآآتي
نوــ\\ــورهـ
Miss MonE

روووووعة الأبيات

يعطيكي ألف عافية يا نورة

على الأبيات الجميلة والرائعة

وأكيد أعجبتنا يا ذووق

ومشكوورة على اختيارك المميز للقصيدة

ولاتحرمينا من تواصل إبداعك

تقبلي مروري

أخوكي : محمد

والله منوووور بردك يامحمد
واهم شي با النشبه لي انها تعجبكم

وتنال على رضااااكم وذوقكم الرااااقي

ومشكوور على الكلام الحلوو

ما ننرحم من مرورك وردك

وآآآآآو

مرررررره حلووووووهـ يا نوير

كلكل ذووووق واللهـ

وكلماتها مره رووعه

يسلموو يا حلوه

ومشكووووره

ويعطيك الف عااافيه

وماننحرم منك ومن ذووقك يا عسل

تقبلي مروووري

عبووورهـ

مشكووووووووره عبوره على المرور والرد
ومرورك وردك الحلو والارووع والله

لا تحرميني مرورك وردودك بمواضيعي الباااقيه
يسلمو حبوبه

تحياتي
نوره