انا طبوع الدون ماهي طبوعي
ولا اسيء الظن لو كثرت اسباب
انا التقي لي بالمواقف دروعي
وانا من الاخلاق متلبس ثياب
في موقف الصملات شهم وفزوعي
ومن هو عرفني يعرف كرام الاصحاب
باللي كتب ربي صبور وقنوعي
وما اجزع من المكتوب والخيل لي ركاب
شرع الخنا والخزي ماهي شروعي
دام العقل بالدين يمشي ولا يهاب
ما قد جرحت الغير بعيد وقطوعي
يا كيف اضر قريب من خير الاحباب !
ربي خلقني وفيني حس سموعي
حساس اتأثر بمن طق لي باب
يموع قلبي من عنا الهم موعي
واخفي جروح تعجز جبال وهضاب !
يالله ياربي يا عالم بلوعي
تزيل عن قلبي عظيمات الاتعاب
وتصلح قليب اللي رماني بطوعي
وترفع مكانة نفسي عن كل مرتاب !
........
أتمنى تعجبكم الأبيات
مع خالص حبي وودي
مـــحـــمــــد
موضوع: أنا طبوع الدون ماهي طبوعي 
2008-05-23, 21:05
